विष्णु मगर । देवघाट, असार १७
बन्दीपुर गाउँपालिका-६ का युवा समाजसेवी सिद्धान्त गर्जामगरले सोही वडामा रहेको अरुण माविमा एक लाख रुपैयाँको अक्षयकोष स्थापना गरेका छन् ।
गर्जामगरले स्व: हजुरबुबा मोतिलाल थापा र स्व: हजुरआमा मन्धरा थापाको स्मृतिमा अक्षयकोष स्थापनाको लागि उक्त रकम हस्तान्तरण गरेका हुन् । ‘जुन विद्यालयले मलाई जीवन जिउने एउटा सुन्दर ज्ञान् ,कला र कर्म सिकायो, यही ज्ञान्, कला र कर्मबाट आर्जन गरेको कमाइले गरिब तथा जेहेन्दार विद्यार्थीलाई सहयोग स्वरुप औपचारिक रूपमा अक्षयकोष स्थापना गरेको छु’ उनले भने ।
गर्जामगरले बिधालयका प्रधानाध्यापक बिशाल गौतम, वडा नम्बर ६ का अध्यक्ष बल बहादुर गुरुङ तथा बिधालय ब्यबस्थापन समितिका अध्यक्ष मनोज थापालाई संयुक्त रुपमा उक्त रकम हस्तान्तरण गरेका थिए ।
गर्जामगर सोही वडाको खहरेमा रहेको सेतीगंगा आधारभुत विद्यालयका प्रअ समेत हुन् । उनले यसअघि देखि विभिन्न सामाजिक काम गर्दै आएका छन् ।
