तनहुँ । असोज २९
‘बी ब्लक’ का कैदीहरू स्वास्थ्य समस्यामा परेपछि प्रदेश अस्पताल दमौलीबाट चिकित्सकको टोली बोलाएर उपचार गरिएको छ ।
करागार प्रमुख टेकप्रसाद भट्टराईका अनुसार हाल १५ जना कैदीबन्दीमा ज्वरो, रुघाखोकी र टाउको दुखाइका लक्षण देखिएका छन् । कारागारमा भीडभाड र सीमित ठाउँका कारण संक्रमण फैलिने जोखिम उच्च रहेको बताइएको छ ।
स्वास्थ्य परीक्षणपछि कारागार प्रशासनले सरसफाइ र सचेतना अभियान सुरु गरेको छ । खानेपानीदेखि बासस्थानसम्म स्वच्छता बढाउने काम तीव्र बनाइएको छ । प्रदेश अस्पताल दमौलीसँगको सहयोगमा सबै कैदी बन्दीको रक्त परिक्षण गरिएको कारागार प्रमुख भट्टराईले बताए ।
