काठमाडौं । माघ १९
शिक्षा पत्रकार समूहले संस्थाका पूर्वमहासचिव एवं गोरखापत्र दैनिकका सहसम्पादक शेषकान्त पण्डितको स्मृतिमा पुरस्कार गर्ने भएको छ ।
पण्डितको दोस्रो पुण्यतिथिका अवसरमा आइतबार आयोजित श्रद्धाञ्जलीसभामा समूहका अध्यक्ष निर्जला कक्षपतिले पण्डितको योगदानलाई चिरस्थायी बनाउन पुरस्कार स्थापना घोषणा गरेकी हुन् । समूहका पूर्वअध्यक्ष प्रकाश सिलवालले पत्रकार पण्डित एक व्यावसायिक र चिन्तनशील पत्रकार भएको बताए ।
पण्डितको २०८० माघ १७ गते अर्बुद रोगका कारण ४७ वर्षको उमेरमा निधन भएको थियोे । तनहुँको भानु नगरपालिका–१२ मा २०३३ साल वैशाख १८ मा जन्मिएका पण्डित शिक्षण र लेखनमा पनि सक्रिय थिए ।
