देवघाट । चैत २५
गत वर्षको कक्षा १२, एसइई परीक्षा, हालैको आधारभुत तहको कक्षा ८ र ५ को परीक्षामा उत्कृष्ट नतिजा ल्याउने विद्यालय, शिक्षक र विद्यार्थीलाई देवघाट गाउँपालिकाले सम्मान गरेको छ । बुधबार गाउँपालिकामा आयोजित कार्यक्रममा गाउँपालिकाका अध्यक्ष तिलबहादुर थापा, उपाध्यक्ष भुवन सिं गुरुङ र शिक्षा तथा खेलकुद शाखाका प्रमुख होमनाथ लामिछानेले विद्यार्थी र शिक्षकलाई सम्मान गरेका थिए ।
उक्त कार्यक्रममा आधारभूत तह कक्षा ५ र कक्षा ८ को पालिकास्तरीय बार्षिक परीक्षामा उत्कृष्ट नतिजा ल्याउने विद्यालय र शिक्षक र विद्यार्थी एवं माध्यमिक शिक्षा परीक्षा एसइई र माध्यमिक शिक्षा उत्तीर्ण परीक्षा कक्षा १२ को परीक्षा उत्कृष्ट नतिजा ल्याउने विद्यार्थी शिक्षक र विद्यालय सम्मान गरिएको गाउँपालिका शिक्षा शाखा अधिकृत होमनाथ लामिछाने जानकारी दिए ।
