देवघाट । बैशाख ९
ब्यास नगरपालिकाको स्थापना दिवसको अवसरमा गत चैत ३० गते देखि बैशाख २ गतेसम्म सन्चालन भएको जिल्लास्तरीय महिला खुल्ला भलिबल प्रतियोगितामा प्रथम हुने खेलाडीहरुलाई देवघाट गाउँपालिकाकाले सम्मान गरेको छ ।
गाउँपालिकामा मंगलबार आयोजित कार्यक्रममा गाउँपालिकाका उपाध्यक्ष भुवनसिंह गुरुङ, निमित्त प्रमुख प्रशासकीय अधिकृत गोविन्दप्रसाद पौडेल, शिक्षा तथा खेलकुँद शाखाका प्रमुख होमनाथ लामिछाने, देवघाट गाउँपालिका खेलकुँद समितिका अध्यक्ष अमर फेवाली मगर लगायतले खेलाडीहरुलाई नगद १० हजार रुपैयाँ सहित सम्मान गरेका थिए ।
