तनहुँ । बैशाख १०
व्यास नगरपालिकाले गरिब घर परिवारको प्रराम्भिक सुचि सार्वजानिक गरेको छ । व्यास नगरपालिका कार्यालयद्वारा गरिएको गरिब घर परिवार पहिचान कार्यक्रम अन्तर्गत भूमि व्यवस्था, सहकारी तथा गरिबी निवारण मन्त्रालयबाट तथ्याङ्क विश्लेषण भई प्राप्त हुन आएको नगरपालिकाले जनाएको छ ।
मन्त्रालयबाट नगरपालिकाका १४ वटै वडामा रहेका गरिब घर परिवारको सुचि नगरपालिकाले आफ्नो वेवसाईटमा सार्वजनिक गरेको छ । सार्वजनिक सूचीअनुसार व्यास नगरपालिकाका १४ वटै वडामा कुल ८३६ घरधुरी गरिब घरपरिवारको रुपमा पहिचान भएका छन् । सबैभन्दा बढी वडा नम्बर ११मा १३६ घर परिवार र वडा नम्बर ६ मा १ सय ३१ घर परिवार गरिव परिवारको रुपमा रहेका छन् । सबैभन्दा कम वडा नम्बर २ मा रहेका छन् । वडा नम्बर २ मा २ घर परिवार मात्रै गरिव घर परिवार रहेको नगरपालिकाले जनाएको छ ।
भूमि व्यवस्था, सहकारी तथा गरिबी निवारण मन्त्रालयबाट तथ्यांक विश्लेषण भई प्राप्त भएको गरिब घर परिवार पहिचानको प्रारम्भिक सुची नगरपालिकाको १४ वटै वडा कार्यालय र नगरपालिकाको वेवसाईटमा सुचना टाँस गरिएको हुँदा उक्त सुची उपर चित्त नबुझ्ने नगरवासीहरुले सुचना टाँस भएको मितिले १५ दिन भित्र आ आफ्नो वडा कार्यालयमा आवश्ष्क प्रमाण सहित गुनासो सम्बन्धी निबेदन दिनुहुन नगरपालिकाले अनुरोध गरेको छ ।
