तनहुँ । बैशाख १४
तनहुँको दुलेगौडाबाट प्रशारित हुने रेडियो ढोरबाराहीको अध्यक्षमा पुनःकृष्णराज पण्डित चयन भएका छन् । रेडियोको आइतबार सम्पन्न चौँधौ वार्षिक साधारण सभा तथा चौथो अधिवेशन मार्फत पण्डितको अध्यक्षमा नयाँ कार्य समिति चयन गरिएको हो ।
कास्की जिल्लाको पोखरा महानगरपालिका–२० आँटीघरमा सम्पन्न भएको अधिवेशन मार्फत उपाध्यक्ष खेमराज खनाल, सचिवमा फडिन्द्र पौडेल, कोषाध्यक्षमा राजकुमार वाग्ले राजु र सहसचिवमा विष्णुबहादुर महत चयन भए ।
त्यस्तै सदस्यमा बसन्त ज्वारचन, ज्ञानप्रसाद भण्डारी, रविन्द्रराज पौडल, इश्वर शर्मा, कृष्णप्रसाद लामिछाने र विनोद राउत चयन भए । साथै अधिवेशन मार्फत रेडियोको लेखा समितिको संयोजकमा मानकुमार तिम्ला र सदस्यमा ऋषिबहादुर बस्नेत र मनश्याम ज्वारचनलाई चयन गरिएको छ ।
पुन अध्यक्षमा निर्वाचित भएपछि नयाँ कार्यकालका लागि सथप ग्रहण गर्दै अध्यक्ष पण्डितले रेडियोको वर्तमान चुनौतीहरुलाई चिरेर नयाँ उचाईमा पु¥याउन प्रयास गर्ने प्रतिवद्धता ब्यक्त गरे ।
