तनहुँ । असार २
जिल्ला प्रहरी कार्यालय तनहुँले जेठ महिनाभर ५१ वटा मुद्धा दर्ता गरेको छ । जसमा जघन्य तथा गम्भिर अपराध तर्फ १० वटा, महिला तथा बालबालिकासँग सम्बन्धित ३ वटा, आर्थिक अपराध सम्बन्धी ६ वटा र अन्य मुद्धा ३२ वटा रहेको छ । उक्त मुद्धासँग सम्बन्धित ३७ जना पक्राउ परेको प्रहरीले जनाएको छ ।
यस्तै फैसला कार्यान्वयन तर्फ यस अवधिमा ११ जना फरार अभियुक्त पक्राउ परेका छन् । जसबाट तोकिएको कैद तथा जरिवाना ४ वर्ष २ महिना र बिगो २ लाख २१ हजार रुपैयाँ असुल भएको छ । जेनजी आन्दोलनको क्रममा फरार रहेका पक्राउ २ जना पनि यो अवधिमा पक्राउ परेका छन् ।
जेठ महिनाको अवधिमा जिल्ला प्रहरी कार्यालयमा महिला र बालबालिका तर्फ १७ वटा उजुरी परेको छ । जसमा १७ जना पीडित रहेका छन् भने पीडक २२ जना रहेका छन् । घरेलु हिंसा तर्फ घरेलु हिंसा तर्फ १७ वटा उजुरी परेको छ । जसमा शारीरिक यातना ८ वटा र मानसिक यातना ९ वटा रहेको छ । यसमध्ये १३ वटा मिलापत्र भएको र ४ वटा मिलापत्र बाँकी रहेको प्रहरीले जनाएको छ ।
ठाडो उजुरी तर्फ जिल्ला प्रहरी कार्यालयमा फोनबाट उजुरी परेको संख्या १३९९ वटा रहेको छ । त्यस्तै इमेलबाट ६ वटा र प्रत्यक्ष निबेदनबाट प्राप्त भएको उजुरी संख्या ८५ रहेको छ । जिल्ला प्रशासन कार्यालयबाट प्राप्त उजुरी ६ वटा रहेको छ । यो अवधिमा ६ जना लागुऔषध प्रयोगकर्ता पक्राउ परेका जिल्ला प्रहरी कार्यालय तनहुँले जनाएको छ ।
