२१ साउन, दमौली
पुर्ण अपाङ्गता भएकी एक महिलालाई बलात्कार गरेको अरोपमा पुर्पक्षकोलागि थुनामा रहेका भिमाद नपा–९ पाईमीका १८ वर्षीया शंकर परियारलाई जिल्ला अदालत, तनहँुले जन्मकैदको फैसला गरेको छ ।
आरोपितले सोही ठाउँकी पुर्ण अपाङ्गता भएकी महिलालाई २०७६ मंसिर १२ गते बलात्कार गरेको भन्दै पीडितका आफन्तले जिल्ला प्रहरी कार्यालयमा उजुरी दिएपछि परियार पक्राउ परेका थिए ।
जिल्ला अदालतका न्यायधीश बासुदेव पौडेलको इजलासले बुधबार आरोपितलाई जन्मकैद र क्षतिपूर्ति बापत ५० हजार रुपैयाँ भराउने फैसला गरेको जिल्ला अदालतका निमित्त श्रेस्तेदार जीवन पौडेलले जानकारी दिए । आरोपित विरुद्ध गत मङ्सिर २ गते जिल्ला अदालतमा मुद्दा दर्ता भएको थियो ।
