२१ साउन, दमौली
प्रहरीले भरुवा बन्दुक सहित भानु नपा वडा नम्बर ३ तुर्लुङकोटका ६७ बर्षीय सन्तबहादुर तामाङलाई पक्राउ गरेको छ ।
गोप्य सुचनाको आधारमा तामाङको घरमा छापा मार्न गएको प्रहरी टोलीले घरमा अवैध रुपमा काठको बट भएको एकनाले भरुवा बन्दुक १ थान र ५ सय ग्राम कालो धुलो बारुद लुकाई छिपाई राखेको अवस्थामा उनलाई पक्राउ गरिएको जिल्ला प्रहरी कार्यालयका डिएसपी युवराज तिमिल्सेनाले बताए ।
उनको साथमा बन्दुक र बारुद पनि बरामद गरिएको छ । पक्राउ परेका तामाङलाई कानुन बमोजिम हातहतियार खरखजना मुद्धामा तनहुँ जिल्ला अदालतबाट म्याद थप अनुमती लिई थप अनुसन्धान भईरहेको प्रहरीले जनाएको छ।
