३२ साउन, दमौली
तनहूँ प्रहरीले जालसाजी मुद्धामा फरार अभियुक्तलाई तिन वर्ष पछि पक्राउ गरेको छ । पक्राउ पर्नेमा बन्दिपुर गाउपालिका वडा नम्बर २ पार्चे तिनपाटेका ७२ वर्षीय रुद्र बहादुर कामी रहेका छन् ।
विभिन्न अपराध एवं मुद्दाहरुमा संलग्न रही फरार रहेका तथा अदालतबाट फैसला भई दण्ड, जरिवाना, दसौदी, कोर्ट फि र सरकारी बिगो समेत तिर्न बाँकी भएका व्यक्तीहको खोजी गर्ने कार्य तिब्रता दिदै आएको तनहूँ प्रहरीले जालसाजी मुद्दामा फरार रहेका कामीलाई गत शुक्रबार आफ्नै घरबाट पक्राउ गरेको हो ।
उनी विरुद्ध तनहुँ जिल्ला अदालतको २०७४ भदौ ४ गतेको फैसला अनुसार तोकिएको जरिवाना मध्ये ७ लाख २५ हजार जरिवाना तिर्न बाँकी रहेको जनाईएको छ ।
पक्राउ परेका कामीलाई आईतबार तनहुँ जिल्ला अदालत समक्ष पेश गरि सजाय भुक्तानकोलागि कारागार पठाईएको जिल्ला प्रहरी कार्यालयका प्रवक्ता एवं डिएसपी युवराज तिमिल्सेनाले बताए ।