१३ भदौ, देवघाट
देवघाटका दुई समाजसेवीले देवघाट सेवा केन्द्रलाई दुई लाख दश हजार दुई सय रुपैयाँ प्रदान गरेका छन् । देवघाट सेवा केन्द्रको आजिवन सदस्य बन्दै उनीहरुले सेवा केन्द्रलाई सो रकम प्रदान गरेका हुन् ।
आफ्नो जन्मदिनको अवसर पारेर देवघाट क्षेत्र विकास समितिका अध्यक्ष शिवराज पौडेलले देवघाट सेवा केन्द्रलाई एक लाख पाँच हजार एक रुपैयाँ शुक्रबार प्रदान गरे । 
त्यस्तै देवघाट गाउँपालिका वडा नम्बर ५ निवासी समाजसेवी चन्द्रप्रकाश दवाडीले पनि देवघाट सेवा केन्द्रलाई एक लाख पाँच हजार एक सय रुपैयाँ प्रदान गरे । दवाडीले सो रकम देवघाट गाउँपालिका अध्यक्ष दुर्ग बहादुर थापा र देवघाट सेवा केन्द्रका अध्यक्ष किरण सुवेदीलाई हस्तान्तरण गरेका थिए ।
सो अवसरमा बोल्दै देवघाट गाउँपालिकाका अध्यक्ष थापाले देवघाट सेवा केन्द्र एक सामाजिक संस्था भएको हुँदा सो संस्थालाई सहयोग गर्नु अत्यन्तै सकारात्मक भएको बताए । रकम प्रदान गर्ने पौडेल र दवाडीले पनि सामाजिक काममा सक्रिय संस्थालाई सहयोग गरिएको बताए । देवघाट सेवा केन्द्रका अध्यक्ष सुवेदीले यस्तै मानवीय सहयोगले सेवा केन्द्रलाई अझ माथी उठाउन सकिने बताए ।
