३ जेठ, देवघाट
देवघाट गाउँपालिकामा एक कोरोना संक्रमितको मृत्यु भएको छ । वडा नम्बर ५ गोहीटारकी ६८ बर्षीया महिलाको आईतबार राती मृत्यु भएको थियो । उनको पिसिआर परिक्षणकोलागि शनिबार स्वाव संकलन गरिएको थियो । सोमबार विहान आएको रिर्पाेटमा कोरोना पोजेटिभ पुष्टि भएको देवघाट गाउँपालिकाका स्वास्थ्य शाखा प्रमुख प्रदिप बुढाथोकीले बताए ।
उनमा कोरोनाको सामान्य लक्षण देखिएको थियो । पिसिआर परिक्षण गरेर उनी धर्मार्थ अस्पतालबाट केही औषधी लगेर घरमै बसेकी थिईन् । आईतबार अस्पताल लैजान नपाउँदै उनको मृत्यु भएको थियो ।
उनको शव सोमबार व्यवस्थापन गरिएको छ । नेपाली सेना र उनको परिवारका सदस्यले शव व्यवस्थापन गरेका थिए । कोरोना संक्रमित भएपनि देवघाट गाउँपालिकाम संक्रमितको मृत्यु भएको यो पहिलो घटना भएको स्वास्थ्य शाखा प्रमुख बुढाथोकीले बताए ।
