देवघाट अनलाइन
घिरिङ, चैत १३
घिरिङ गाउँपालिकाको–१ पुट्टार स्थित कृष्ण माविको प्राङ्गणमा एक दिने निशुल्क आँखा शिवीर सम्पन्न भएको छ । हिमालय आँखा अस्पताल घारी पाटन पोखराको प्राबिधिक सहयोगमा सन्चालन भएको सो शिविरमा ३ सय ७४ जनाको आँखाको परिक्षण गरिएको थियो ।
शिविरमा १० जना मोतिबिन्दु तथा एक जना जलबिन्दु भएको बिरामी पत्ता लागेको थियो । मोतिबिन्दु भएका बिरामीलाई हिमालय आँखा अस्पताल पोखरामा निशुल्क अपरेसनको ब्यवस्था गरिएको घिरिङ गाउँपालिका स्वास्थ्य शाखा प्रमुख कृष्ण रिमालले जानकारी गराए । सो शिविरको घिरिङ गाउँपालिका अध्यक्ष होमबहादुर थापाले उद्घाटन गरेका थिए ।
सो कार्यक्रममा गाउँपालिकाका उपाध्यक्ष राधादेवि अधिकारी, वडा अध्यक्ष रबिचन्द्र घोरासिनी तथा वडा सदस्यहरुको उपस्थिति रहेको थियो ।
