देवघाट अनलाईन
काठमाण्डौं, चैत १३
राष्ट्रिय प्रजातन्त्र पार्टी (राप्रपा) ले आगामी वैशाख १० गते हुने उपनिर्वाचनको परिचालनको लागि तनहुँमा पार्टीका कोषाध्यक्ष निलकण्ठ काफ्लेलाई जिम्मेबारी तोकेको छ । सोमबार बसेको केन्द्रीय पदाधिकारीको बैठकले उपनिर्वाचन हुने तनहुँ–१ मा कोषाध्यक्ष काफ्लेलाई फिल्ड कमान्डर तोकेको हो ।
निर्वाचन परिचालनका लागि राप्रपाले बारा–२ मा वरिष्ठ नेता एवं उपाध्यक्ष बुद्धिमान तामाङ र चितवन–२ मा वरिष्ठ नेता एवं उपाध्यक्ष विक्रम पाण्डेलाई फिल्ड कमान्डर तोकेको पार्टीका प्रवक्ता मोहन श्रेष्ठले बताए । बैठकले तनहुँ–१, चितवन–२ र बारा–२ मा राप्रपाले आफ्नो उम्मेदवार खडा गर्ने निर्णय समेत गरेको छ ।
