विष्णु पाण्डे, देवघाट अनलाइन
देवघाट, चैत १३
देवघाट गाउँपालिका–५ स्थित चक्रवर्ती सामुदायिक वन उपभोक्ता समितिले डढेलोबाट वन क्षेत्र जोगाउन वन सरसफाई गरेको छ । सब डिभिजन वन कार्यलय देवघाटको सहकार्य सोमबारबाट वन सरसफाई गरि अग्निरेखा बनाईएको वन उपभोक्ता समितिका अध्यक्ष दिलबहादुर गुरुङले बताए ।
उपभोक्ताले डढेलोवाट जोगाउन वनमा नियन्त्रित आगलागी समेत गराएका थिए । त्यसो गर्नाले भविष्यमा आगलागिको जोखिम नहुने सब डिभिजन वन कार्यलय देवघाटका प्रमुख नवराज घिमिरेले बताए । वनलाई डढेलोबाट जोगाउनकोलागि वन सरसफाई कार्यमा उपभोक्ता कार्य समिती, अनुगमन समिती, लेखा समिती र डिभिजन बन कार्यलय देवघाटका प्रतिनिधिको उपस्थिति रहेको थियो ।
सब डिभिजन वन कार्यलय देवघाटका प्रमुख घिमिरेले चैत बैशाखको समयमा वन जंगल क्षेत्रमा डढेलोको जोखिम हुने हुँदा सबै वन समुहले वन सरसफाई, नियन्त्रित आगलागि र अग्निरेखाको निर्माण गर्नु पर्ने बताए ।
