देवघाट अनलाइन
दमौली, चैत १६
उपनिर्वाचनको लागि उम्मेदवारको सिफारिस गर्न नेकपा एमाले तनहुँ क्षेत्र नम्बर १ को बैठक दमौली स्थित जिल्ला कार्यालयमा सुरु भएको छ ।
जिल्ला कमिटीका उपाध्यक्ष एवं क्षेत्र नम्बर १ का संयोजक हरिराज कडेंलको अध्यक्षतामा सुरु भएको बैठकले उम्मेदवार हुन चहानेको नाम संकलन गरि माथिल्लो कमिटीमा सिफारिस गरिने संयोजक कडेंलले जानकारी दिए । एमालेले क्षेत्रीय कमिटी मार्फत कम्तीमा १ महिला सहित बढिमा ३ जनाको नाम सिफारिस गर्न सर्कुलर गरेको छ ।
बैठकमा केन्द्रीय सदस्य भगवती न्यौपाने, केन्द्रीय लेखा आयोगका सचिव शिव अधिकारी, केन्द्रीय विभागका सदस्यहरु परितोष पौडेल र सोभा गुरुङ, गन्डकी प्रदेश सचिवालय सदस्य कृष्णराज ढकाल, रामबहादुर गरुङ, प्रदेश सदस्यहरु ऋषि केसी, अमर भण्डारी, जिल्ला कमिटी अध्यक्ष श्रीप्रसाद श्रेष्ठ, एमाले नेता सर्वेन्द्र खनाल लगायतका नेताहरुको उपस्थिति रहेको छ ।
