देवघाट अनलाइन
दमौली, चैत २८
बैशाख १० गते हुने उपनिर्वाचनको तयारीको लागि नेकपा एमाले व्यास नगर कमिटि अन्तर्गत विभिन्न वडाको बैठक सम्पन्न भएको छ । बुधबार वडा नम्बर ११ को दरै पंधेरामा र वडा नम्बर १२, १३ र १४ को संयुक्तरुपमा छाब्दी बाराहीमा बैडक आयोजना गरियो ।
सो बैठकमा नेकपा एमालेका स्थायी कमिटिका सदस्य किरण गुरुङले निर्वाचन नजिकिई सकेको हुँदा सबै कार्यकर्ताहरु आफ्नो व्यक्तिगत कामलाई थाँती राखेर निर्वाचनको प्रचारमा जुट्नु पर्ने बताए । यो निर्वाचन राष्ट्रवादी र राष्ट्रघाती विचको लडाई भएको हुँदा राष्ट्रबादीहरुको जित हुन सम्पुर्ण पार्टी पंक्ति परिचालन भई जनतालाई जगाउनु पर्ने गुरुङले बताए ।
बैठकलाई नेकपा एमाले गन्डकी प्रदेश कमिटिका सचिवालय सदस्य विष्णुभक्त सिग्देल, जिल्ला कमिटिका उपसचिव प्रदिपराज अधिकारी, व्यास नगर कमिटिका अध्यक्ष तुल्सीराम पाण्डे लगायतले निर्वाचन परिचालनको लागि जुटुन कार्यकर्तालाई निर्देशन दिएका थिए ।
