सफल शर्मा, देवघाट अनलाइन
देवघाट, चैत ३०
देवघाट गाउँपालिकका अध्यक्ष तिलबहादुर थापाले आफुले सँधै गाउँपालिकाको हितमा नै काम गर्दै आएको बताएका छन् । नयाँ वर्ष २०८० को पुर्व सन्ध्यामा देवघाट अनलाइनसँग कुरा गर्दै अध्यक्ष थापाले सिंगो गाउँपालिका देवघाटका जनताको हितको पक्षमा रहने बताए ।
गाउँ पालिकाको वर्तमान पदाधिकारीको टिमले यस अघिको जनप्रतिनिधिले भन्दा दोब्बर आन्तरिक कर संकलन गरेको भन्दै अध्यक्ष थापाले उक्त कर सबै जनताको हितमा नै लगाउने बताए । कसैलाई पनि अबैध काम गर्ने छुट दिएका छैनौ भन्दै अध्यक्ष थापाले कुनै अबैध सम्झौता नगरेको र सबै कमिसनको खेल बन्द गरिएको बताए ।
तर जति राम्रो काम गरेपनि केहि व्यक्तिले सँधै बिरोध गर्ने र दुख दिने काम गरेको अध्यक्ष थापाको गुनासो छ । सायद कमिसनको खेल बन्द गरेको कारण आफुहरुलाई विरोध गरेर काम गर्न अप्ठ्यारो पारेको हुनसक्ने उनले बताए ।
अध्यक्ष थापाले नयाँ वर्ष २०८० ले सबै गाउँपालिकाबासीमा शुख शान्ति र समृद्धीको शुभकामना समेत दिएका छन् ।
