देवघाट अनलाइन
दमौली, बैशाख २
उपनिर्वाचनको प्रचारको लागि राष्ट्रिय स्वतन्त्र पार्टीले व्यास नगर पालिकाका विभिन्न वडामा घर दैलो अभियान सुरु गरेको छ । शनिबार रास्वपाले व्यासका विभिन्न वडामा घर दैलो र प्रचार कार्यक्रम सुरु गरेको हो ।
सो प्रचार कार्यक्रममा रास्वपा सांसदद्वय सोविता गौतम र सन्तोष परियार लगायतका नेताहरुको सहभागिता रहेको थियो । तनहुँमा पछिल्लो दिनमा रास्वपाले आक्रामकरुपमा चुनावी अभियान सन्चालन गरिरहेको छ ।
रास्वपाले आईतबार दमौलीमा चुनावी सभा आयोजना गर्ने भएको छ । सो सभामा रास्वपाका सभापती रवि लामिछाने, तनहुँ १ का उम्मेदबार स्वर्णिम वाग्ले, सांसदहरु सोविता गौतम, तोसिमा कार्की, सन्तोष परियार, सन्चारकर्मी रमेश प्रसाई लगायतका नेताहरु सम्बोधन गर्ने छन् । सो चुनावी सभामा राष्ट्रिय स्तरका केही कलाकारहरुको समेत उपस्थिती रहने बताईएको छ ।
