देवघाट अनलाइन
दमौली, बैशाख ६
राष्ट्रिय स्वतन्त्र पार्टीका उम्मेदबार डा. स्वर्णिम वाग्ले मतदाता भेटघाटमा सक्रिय रुपमा लागेका छन् । काठमाडौंबाट आएका आफ्ना पार्टीका सांसद तथा जिल्लाका आफ्ना समर्थकहरु सहित वाग्ले व्यास नपाका विभिन्न वडामा मतदातालाई भेट्न पुगेका छन् ।
मतदाता भेट्ने क्रममा वाग्लेले आफ्ना प्रतिबद्धताहरु सार्वजानिक गर्दै तनहुँ जिल्लाको विकास र समृद्धीको लागि आफु चुनावी मैदानमा आएको बताएका छन् । सो क्रममा मतदाताहरुले भने वाग्ले जस्तो अर्थविदलाई उम्मेदबारको रुपमा पाउँदा आफुहरु निकै खुसी भएको भन्दै बिजयको शुभकामना दिएका थिए ।
मतदातासँग भेटेपछि आफु निकै उत्साहित भएको भन्दै वाग्लेले मतदाताको अपेक्षा कुनै पनि हालतमा पुरा गरेरै छाड्ने बताए । यो चुनावले तनहुँ जिल्लाको भाग्य र भविष्य निर्धारण गर्ने हुँदा कुनै पनि लोभ, लालच, प्रलोभन तथा डर त्रासमा नपरी निर्धक्कसँग आफ्नो मताधिकार प्रयोग गर्न वाग्लेले अनुरोध गरेका छन् ।
