दमौली, बैशाख ११

तनहुँ १ का रास्वपाका स्वर्णिम वाग्लेको अग्रता कायमै छ। पछिल्लो अपडेट अनुसार ३१ हजार २१९ मत गणना गर्दा वाग्लेले १५ हजार ९५८ मत ल्याएर लिड गरिरहेका छन्।

उनलाई कांग्रेसका गोविन्द भट्टराईले ९ हजार १२० मत ल्याएर पछ्याइरहेका छन्। उनीहरुबीचको मतान्तर ६ हजार ८३८ रहेको छ।
यस्तै, एमालेका सर्वेन्द्र खनालले ५ हजार १६६ मत ल्याएर तेस्रो स्थानमा छन्।

अब भाानु नगरपालिकाको २ वटा वडा र बन्दीपुर गाउँपालिका र ब्यास नगरपालिकाको मात्रै मत गन्न बाँकी रहेको छ ।