आवुँखैरेनी, बैशाख ११
उपनिर्वाचन अन्तर्गत तनहूँ क्षेत्र नम्बर १ को आवुँखैरेनी गाउँपालिकाबाट राष्ट्रिय स्वतन्त्र पार्टीका डा. स्वर्णिम वाग्लेले करिब ६५ प्रतिशत मत पाएका छन् ।
आवुँखैरेनीको मतगणना सकिँदा रास्वपाका उम्मेदबार डा. स्वर्णिम वाग्लेले विपक्षी उम्मेदबार भन्दा धेरै फरााकिलो मत पाएका छन् ।
आवुँखैरेनीको वडा नम्बर १ बाट वाग्लेले १०६५, काँग्रेसका गोविन्द भट्टराईले २७६ र एमालेका सर्वेन्द्र खनालले ५४ मत पाए । त्यस्तै वडा नम्बर २ बाट वाग्लेले ८८१ , काँग्रेसका भट्टराईले ३३६ र एमालेका खनालले १०८ मत पाए । त्यसैगरि वडा नम्बर ३ बाट वाग्लेले १५१८, काँग्रेसका भट्टराईले ४०१ र एमालेका खनालले १९१ मत पाए ।
त्यस्तै वडा नम्बर ४ बाट वाग्लेले ३३२, काँग्रेसका भट्टराईले २३७ र एमालेका खनालले ८५ मत पाए । वडा नम्बर ५ बाट वाग्लेले ३७१, काँग्रेसका भट्टराईले १४९ र एमालेका खनालले २८ मत पाएका थिए । त्यस्तै वडा नम्बर ६ बाट वाग्लेले २८१, काँग्रेसका भट्टराईले २५९ र एमालेका खनालले १३० मत पाएका छन् ।
