देवघाट, बैशाख १४
यसैविच नेकपा एमाले देवघाट गाउँपालिका कमिटिले देवघाट गाउँपालिकाले लगाएको ढुङ्गा, गिट्टी बालुवा जस्ता नदीजन्य सामग्रीको ठेक्का प्रक्रियाको प्राविधिक प्रतिबेदन तथा ठेक्का सम्झौता सार्वजानिक गर्न माग गरेको छ ।
एमाले देवघाट गाउँ कमिटिका अध्यक्ष केशवचन्द्र न्यौपानेले विहिबार प्रेस विज्ञप्ति प्रकाशित गरि सर्वाेच्च अदालतले रोक लगाएको कालिगन्डकी नदीबाट अबैधरुपमा नदीजज्य सामाग्रीको दोहन भएको तथा अन्य खोला तथा नदीहरुमा पनि सम्झौता भएको परिमाण भन्दा धेरै परिमाणमा नदीजन्य सामाग्रीको उत्खनन भईरहेको जनाएको छ ।
यस्तो विषय देवघाटबासी तथा आम सन्चार माध्यममा पनि सार्वजानिक भएको भन्दै न्यौपानेले यस विषयमा उठेका सम्पुर्ण विषयलाई सम्बोधन गर्न र आम जनतालाई यसबारेमा प्रष्ट पार्न नदीजन्य सामाग्रीको उत्खनन सम्बन्धी ठेक्का सम्झौताको प्राविधिक प्रतिबेदन सार्वजानिक गर्न माग गरेका छन् ।
