देवघाट, जेठ २४
देवघाट गाउँपालिकाले आन्तरिक कार्यविधि निर्माण लागि पनि परामर्शदाता छनौट गरि खर्च गरेको छ । परामर्शदाताकोलागि मात्रै देवघाट गाउँपालिकाले ६ लाख ८८ हजार ६ सय २२ रुपैयाँ खर्च भुक्तानी गरेको छ ।
देवघाटले औद्योगिक ग्राम संचलन कार्यविधि, देवघाट गाउँपालिकाको शुसासन ऐन तथा नियमावली र ऐन कानुन संग्रह निर्माणकोलागि सिर्जना कन्सल्टेन्सी र ग्लोवल सप्लायर्सलाई परामर्शदाता नियुक्ती गरेको थियो । उक्त दुई परामर्शदाता मध्ये सिर्जना कन्सल्टेन्सीलाई २ लाख ९४ हजार २५२ तथा ग्लोबल सप्लार्यसलाई ३ लाख ९४ हजार ३७० रुपैयाँ भुक्तानी दिएको आर्थिक वर्ष ०७८÷०७९ को महालेखा परिक्षकको प्रतिबेदनमा उल्लेख छ ।
सार्वजानिक खरिद ऐन, २०६३ को दफा २९ मा कार्यलयका जनशक्तिले गर्न नसक्ने कार्य भएमा मात्र परामर्शदाता गराउन सकिने उल्लेख छ । कार्यालयमा थुप्रै जनशक्ति भएको अवस्थामा पनि बाह्य परामर्शदाताबाट कानुन निर्माण गराउनु नियमसंगत नभएको महालेखा परिक्षकको प्रतिबेदनमा उल्लेछ छ ।
