दमौली, जेठ ३१
व्यास नपा–४ स्थित गुरुङ च्यानडाँडामा मंगलबार दिउँसो बोेरा भित्र पोको पारेको अवस्थामा शव भेटिएको महिलाको सनाखत भएको छ ।
प्रहरीले गरेको अनुसन्धानमा मृतक महिलाको सनाखत भएको छ ।
उक्त घटनामा संलग्न भएको आशंकामा एक जनालाई पक्राउ समेत गरिसकिएको प्रहरीले जनाएको छ । तर प्रहरीले अनुसन्धान जारी नै रहेको हुँदा मृतक महिला र पक्राउ परेका व्यक्तिको पहिचान भने गोप्य राखेको छ ।
जिल्ला प्रहरी कायाएलय तनहुँका एसपी अवदेश विष्ट क्षेत्रीले सबै प्रक्रिया पुरा गरेर एक, दुई दिनमै मृतक र पक्राउ परेको व्यक्तिको बारेमा सार्वजानिक गरिने बताए । मृतक अन्दाजी ३० बर्षकी भएकी र दमौली बजारकै रहेको प्रहरी श्रोतले जनाएको छ ।
च्यानडाँडा स्थित सुवर्णमार्ग कच्ची सडकको कुनामा रहेको ढलको पानी जानकोलागि बिछ्याईएको ह्युम पाइपमा प्लास्टिकको बोरा भित्र राखेको अवस्थामा अन्दाजी २०–२२ बर्षिया महिलाको शव भेटिएको थियो ।
