दमौली, असार ७
१४ बर्षिया बालिकालाई यौन दुव्र्यहवार गरेको आरोपमा जिल्ला अदालतले पीडितका ठुलो वुवा नाता पर्ने भिमाद नगरपालिका–८ का ३७ बर्षिय व्यक्तिलाई २३ दिन कैद फैसला गरेको छ ।
जिल्ला अदालतका न्यायधिश हरिश्चन्द्र ढुङ्गानाको इजलासले बुधबार कसुर ठहर गर्दै उक्त फैसला गरेको अदालतका श्रेस्तेदार मिनबहादुर कुँवरले जानकारी दिए । अदालतले ३० हजार रुपैयाँ क्षतीपुर्ती तथा ५ हजार रुपैयाँ जरिवानाको फैसला सुनाएको छ ।
सालीको छोरी नाता पर्ने पीडित बालिकालाई आफ्नो भरखर जन्मेको बच्चा हेर्न घरमा घरमा राखेको अवस्थामा घरमा कोही नभएको मौकामा आरोपितले २०७९ पुस ११ गते आफ्नै घरमा यौन दुव्र्यहवार गरेको आरोपमा पीडितकी आमाले २०७९ पुस १३ गते इलाका प्रहरी कार्यालय बेलचौतारामा उजुरी दिएकी थिईन् ।
प्रहरीले आरोपितलाई पुस १३ गते पक्राउ गरेको थियो । आरोपितलाई कारवाहीको माग गर्दै जिल्ला सरकारी वकिल कार्यालयले २०७९ माघ ५ गते जिल्ला अदालतमा बाल यौन दुरुपयोग सम्बन्धी मुद्धा दर्ता गरेकोमा अदालतले आरोपितलाई ६० हजार रुपैयाँ धरौटीमा रिहा गर्ने आदेश दिएको थियो ।
