दमौली, असार ८
गोरखामा जन्ती बोकेको जिप दुर्घटना भएको छ ।
सहिद लखन गाउँपालिका-३, सिलिङ, मनकामनामा शुक्रबार बिहान प्रदेश ३-०३-०२३ च २४२७ नम्बरको बोलेरो जिप सडक बाट अ. २०० मि. तल खस्दा ५ जना को मृत्यु भएको छ भने १२ जना घाइते भएको छ ।
जन्ती बोकेको बोलेरो जिपमा दुलहा दुलही सहित १९ जना सवार कोटगाउँ बाट पोखरी डाडा जादै गर्दा दुर्घटना भएको जिल्ला प्रहरी कार्यालय गोरखाका डिएसपि लिलाराज लामिछानेले जानकारी दिए । घटना स्थलमा उद्वारका लागि नेपाली सेना र सशस्त्रको टोलि समेत पुगेको प्रहरीले जनाएको छ ।
घाइतेहरुमध्य सबैजना सहिदलखन ५ पोखरीडाँडाका रहेका छन् ।
स्थानीय लालु थापाको चितवन मेडिकल कलेजमा उपचार भइरहेको छ । सोही ठाउँ निबासी सुरज राना, नरबहादुर थापा, दोषबहादुर थापा, होमबहादुर राना, सन्दीपा राना, सुरज थापा, चन्द्र थापा, कुलबहादुर राना, लक्ष्मी थापा, मनिका राना, प्रतीक रानाको आँबुखैरेनीस्थित आँबुखैरेनी अस्पतालमा उपचार गरिएको र दुई जना सकुशल रहेको प्रहरीले जनाएको छ ।
