दमौली, असार १०
तनहुँको भिमाद नगरपालिकाले आगामी आर्थिक वर्षकोलागि ६३ करोड ८९ लाख ५६ हजार ८७० रुपैयाँको अनुमानित बजेट प्रस्तुत गरेको छ । आईतबारको १४ औं नगरसभामा नगर उपप्रमुख शारदा खनालले सो बजेट प्रस्तुत गरेकी थिईन् ।
भिमादले आगामी आर्थिक वर्षको लागि पुर्वाधार विकास, सडक स्तरोन्नती, कृषि, शिक्षा, स्वास्थ्य, खानेपानी, सिंचाई लाई मुख्य प्राथमिकतमा राखेको छ । गाउँ गाउँमा कृषक समुह गठन गरि कृषकलाई खेतीमा आवद्ध गराउने तथा उत्पादनमा बृद्धि तथा उत्पादित बस्तुको व्यवस्थित बजारीकरणलाई मुख्य प्राथमिकतामा राखेको नगर प्रमुख दधिराज सुवेदीले बताए ।
भिमादले गत आर्थिक वर्षदेखी सडकको नयाँ ट्रयाक खोल्न रोक लगाएको छ । भईरहेको सडकलाई स्तरोन्नती गर्ने कार्यलाई भिमादले प्राथमिकतामा राखेको छ । साथै आमा समुह, युवा क्लव सामुदायिक भवनको निर्माणमा बजेट बिनियोजन कार्यलाई पनि पुर्ण रुपमा रोक लगाईएको नगरप्रमुख सुवेदीले बताए ।
