चितवन, असार १५
सुख्खा पहिरो खसि बाटो अवरोध भएको नारायणगढ-मुग्लिन सडक अझै सुचारु हुन सकेको छैन । विहिबार बिहान ९:३० बजेको समयमा चितवनको ईच्छाकामना गाउँपालिका- ५ स्थित तिन (३) नम्वर पुलमा माथिबाट सुख्खा पहिरो खसि दुवैतर्फि बाटो अवरोध भएको थियो ।
उक्त स्थानमा सडक विभागसंग समन्वय गरी प्रहरी टोली स्काभेटर र डोजर सहित खटिई पहिरो हटाई उक्त बाटो १०:३० बजेको समयमा सुचारु भएकोमा १:३० बजे पुन: सोही स्थानमा पहिरो झरी दुवैतर्फि बाटो अवरोध भएको थियो ।
बिहीबार दिउँसो देखि नै पहिरो पन्छाउने प्रयास गरिएको भएपनि सफल हुन सकेको थियो । जसका कारण शुक्रबार बिहानसम्म उक्त सडक अबरुद्ध भईरहेको छ । शुक्रबार बिहानैबाट पहिरो हटाउने काम भईरहेको मुग्लिन प्रहरीले जनाएको छ ।
