आवुँखैरेनी, भदौ १०
आँबुखैरेनी गाउँपालिकाले गाउँपालिका भित्रका सम्पूर्ण चेपाङ जातिका सामुदायिक विद्यालयमा अध्ययनरत बिद्यार्थीहरुलाई कक्षा १२ सम्मको शिक्षा पूर्ण रूपमा निःशुल्क गर्ने भएको छ ।
गाउापालिकाको पारित नीति तथा कार्यक्रम अनुसार वडा नम्बर ५ निवासी हाल रामशाह माविमा कक्षा ११ मा अध्ययनरत बिद्यार्थी अमृत चेपाङको विद्यालय शुल्क, गास, आवास लगायतका सम्पूर्ण खर्चको गाउँपालिकाले व्यवस्थापन गरेको छ ।
लोपोन्मुख चेपाङ समुदायका बालबालिका तथा युवा युवतीलाई विद्यालय आउने वातावरण बनाउन गाउँपालिकाले उक्त कार्यक्रम ल्याएको गाउँपालिकाका अध्यक्ष शुक्र चुमानले बताए ।
