दमौली, भदौ ११
१२ बर्षिया बालिकालाई बलात्कार गरेको आरोपमा तनहुँ प्रहरीले ऋषिङ गाउँपालिका–७ का झुलबहादुर थापालाई पक्राउ गरेको छ ।
स्थानीय ज्यामिरेमाई प्राविका प्रअ समेत रहेका थापाले गत साउन ३१ गते बालिकालाई बालिकाकै घरमा गई बलात्कार गरेको भन्दै पीडित परिवारले भदौ ३ गते जिल्ला प्रहरी कार्यालयमा उजुरी दिएका थिए ।
घटनापछि फरार रहेका थापालाई सोमबार साँझ लमजुङ जिल्लाको मध्यनेपाल नगरपालिकाको भोर्लेटारबाट गिरफ्तार गरेको जिल्ला प्रहरी कार्यालय तनहुँका एसपी अबदेश विष्टले जानकारी दिए ।
उक्त बलात्कारको घटना सार्वजानिक भएपछि मिलापत्रकोलागि गाउँपालिकाकाका जनप्रतिनिधिको रोहबरमा बैठक समेत बसेको थियो । उक्त बैठकमा आरोपिले घटनाको मिलापत्रकोलागि पीडित परिवारलाई २ लाख रुपैयाँ दिने प्रस्ताव समेत गरेको थियो ।
तर पीडित परिवारले मिलापत्रमा सहमत नभई थापा विरुद्ध जिल्ला प्रहरी कार्यालयमा उजुरी दिएका थिए ।
