बन्दिपुर, भदौ २२
निजामती सेवा दिवस–२०८० को अवसरमा बन्दिपुर गाउँपालिकामा शुक्रबार विभिन्न कार्यक्रमको आयोजना गरियो । दिवसको अवसरमा विहान बन्दिपुर बजारमा प्रभातफेरी, शहिद पार्कमा बृक्षारोपण तथा बन्दिपुर अस्पतालमा रक्तदान कार्यक्रमको आयोजना गरियो । उक्त तिनवटै कार्यक्रमको अध्यक्षता गाउँपालिकाका अध्यक्ष सुरेन्द्र थापाले गरेका थिए ।
सो कार्यक्रममा गाउँपालिकाका अध्यक्ष थापा, उपाध्यक्ष पन्चमाया गुरुङ, प्रमुख प्रशासकीय अधिकृत नवेशराज हमाल, वडा अध्यक्ष लगायत जनप्रतिनिधिहरु, तथा कर्मचारीहरुको उपस्थिती रहेको थियो । रक्तदान कार्यक्रममा १३ जनाले रक्तदान गरेको गाउँपालिकाका नासु भगवान त्रिपाठीले जानकारी दिए ।
त्यस्तै दिवसको अवसरमा आयोजित विभिन्न कार्यक्रमका विजेता तथा उपविजेताहरुलाई पुरस्कार पनि प्रदान गरिएको थियो । दिवसको अवसरमा यस अघि बुधबार बन्दिपुर टुडिखेलमा जनप्रतिनिधि र कर्मचारी विच मैत्रीपुर्ण फुटवल प्रतियोगिता भएको थियो ।
प्रस्तावित संघिय निजामती सेवा ऐनको बिरुद्धमा देशभरका स्थानीय तहका कर्मचारीले विरोधका कार्यक्रम गरि निजामती सेवा दिवसको कार्यक्रम बहिष्कार गरेको अवस्थापनि बन्दिपुरमा भने सबै कर्मचारीहरुको सहभागितामा विभिन्न कार्यक्रम उल्लासपुर्ण रुपमा ३ दिन निजामती दिवस मनाईएको हो ।
