दमौली, असोज १०
सहकारीको करिव २ करोड ७१ लाख रुपैया हिनामिना गरेको आरोपमा सहकारीका पूर्व कर्मचारी पक्राउ परेका छन् ।
भिमादमा रहेको भानुमति साना किसान कृषि सहकारी संस्था लिमिटेडका पूर्व मेनेजर चुत्र बहादुर थापालाई २ करोड ७१ लाख रुपैयाँ हिनामिना गरेको आरोपमा प्रहरीले बुधवार पक्राउ गरेको हो ।
सहकारीका सदस्यहरुले जिल्ला प्रहरी कार्याल्य तनहुँमा दिएको उजुरीको आधारमा उनलाई पक्राउ गरिएको स्रोतले जनाएको छ । तनहुँ प्रहरी प्रवक्ता डिएसपी मोहन बहादुर खाँडले थापालाई पक्राउ गरेको पुष्टि गरे । ‘उनको विरुद्ध विहिवार मुद्धा दर्ता गरिसकेपछि सार्वजनिक गर्छौ’ डिएसपी खाँडले भने ‘म पनि यसबारे थप बुझ्दैछु ।’
इलाका प्रहरी कार्यालय बेलचौताराका प्रमुख प्रहरी निरिक्षक गणेश सुवेदीको नेतृत्व र भिमाद प्रहरीको समन्वयमा गएको प्रहरीले बुधबार थापालाई पक्राउ गरिएको थियो । उक्त घटनाको बारेमा थप अनुसन्धान भईरहेको डिएसपी खाँडले बताए ।
