बिराटनगर, असोज २७
कोशी प्रदेशको मुख्यमन्त्रीमा केदार कार्की नियुक्त भएका छन् । प्रदेश प्रमुख पर्शुराम खापुङले संविधानको धारा १६८ (५) बमोजिम कार्कीलाई मुख्यमन्त्रीमा नियुक्त गरेका हुन् ।
कार्कीलाई एमालेका ३९ र कांग्रेसका ८ सांसदहरूले समर्थन गरेका थिए । कोशी प्रदेशमा बहुमतको लागि ४७ सांसदको आवश्यकता पर्छ । ४७ सांसदहरूले शनिबार बिहान प्रदेश प्रमुखको कार्यालयमा गई कार्कीको पक्षमा सनाखत गरेका थिए ।
यस अघिका मुख्यमन्त्री एमालेका हिक्मत कार्कीले विश्वासको मत नपाउने भएपछि गत असोज २० गते राजिनामा दिएपछि प्रदेश प्रमुखले नयाँ सरकार गठनको आह्वान गरेका थिए ।
