दमौली, असोज २६
व्यास नपा–१० बैरेनीमा रहेको अनाथ बालबालिका बस्ने उज्यालो घरलाई प्रतिनिधि सभा तनहुँ क्षेत्र नम्बर १ का सांसद डा. स्वर्णिम वाग्लेको पहलमा ५० हजार रुपैयाँ प्रदान उपलब्ध गराईएको छ ।
अनाथ बालबालिकाको पोशाक तथा पोषण खानाका लागि सांसद वाग्लेको पहलमा नेको फाउन्डेशनबाट उपलब्ध गराईएको सो रकम शुक्रबार हस्तान्तरण गरियो । उक्त उज्यालो घरलाई १ लाख रुपैयाँ प्रदान गरिने भएकोमा पहिलो चरणमा शुक्रबार पचास हजार प्रदान गरिएको हो ।
रास्वपाका जिल्ला सह संयोजक सुर्यमणी पौडेल, जिल्ला नेताहरु विश्व बास्तोला, डा.शेषरमण न्यौपाने, चुडामणी दाहाल लगायतले उज्यालो घरका सन्चालहरुलाई उक्त रकम हस्तान्तरण गरेका थिए ।
