विष्णु पान्डे
देवघाट, कार्तिक ५
देवघाट गाउँ पालिका-५ स्थित मुक्तिनाथ मन्दिरमा भगवानको मुर्तीहरु चोरी गर्दैगर्दा चितवन आँपटारीका २३ बर्षिय प्रकाश ढुङ्गाना पक्राउ परेका छन् ।
शनिबार साँझ ५ बजेको समयमा मन्दिरको सिसा फोडी मूर्तिहरु बाहिर फाल्दै गरेको अवस्थामा गाउँलेहरुले मन्दिर घेरा हालेर प्रहरीलाई खबर गरेका थिए । प्रहरीले मन्दिर भित्रपसी बाथरुमबाट ढुङ्गानालाई नियन्त्रणमा लिएको इलाका प्रहरी कार्यालय देवघाटका इन्चार्ज कृष्णबहादुर बानियाले बताए ।
ढुङ्गानाले मन्दिर भित्र रहेको शिव पार्वती, विष्णु, राम लक्ष्मण र हनुमानको चारवटा मुर्ती चोरेर मन्दिर बाहिर फालेका थिए ।
पक्राउ परेका ढुङ्गानालाई थप अनुसन्धानको सोमबार इलाका प्रहरी कार्यालय आबुँखैरेनी पठाईने इप्रका देवघाटका प्रमुख सई बानियाँले बताए
