देवघाट, मंसिर १५
कार्यस्थलमा हुने लैङ्गिक हिंसा सम्बन्धी कानुनी सचेतना कार्यक्रम शुक्रबार देवघाटमा सम्पन्न भएको छ । लैङ्गिक हिंसा विरुद्धको १६ दिने अभियानको अवसरमा आयोजित सो कार्यक्रममा कार्यस्थलमा हुने लैङ्गिक हिंसाको बारेमा अधिवक्ता गोपिलाल देवकोटा र संगिता उप्रेतीले सहजिकरण गरेका थिए ।
‘लैङ्गिक हिंसा अन्त्यको सुनिश्चितताः महिला र बालबालिकामा लगानीको ऐक्यवद्धता’ भन्ने नाराका साथ आयोजित कार्यक्रममा देवघाट गाउँपालिकाका उपाध्यक्ष भुवनसिंह गुरुङ र प्रमुख प्रशासकीय अधिकृत गौरीप्रसाद आचार्यले लैङ्गिक हिंसा विरुद्ध शुन्य सहनशिलताको नीति अपनाउनु पर्ने बताए । कार्यक्रममा गाउँपालिकाकी महिला बालबालिका तथा ज्येष्ठ नागरिक शाखा प्रमुख शुभद्रा भट्टराई कार्यक्रमको बारेमा जानकारी गराएकी थिइन् ।
गाउँपालिकाका प्रमुख प्रशासकीय अधिकृत गौरी प्रसाद आचार्यको अध्यक्षतामा आयोजित कार्यक्रममा ५५ को सहभागिता रहेको थियो । सो कार्यक्रम शनिबारसम्म चल्नेछ ।
