देवघाट, मङ्सिर १६

तनहुँको देवघाट गाउँपालिका-५ स्थित एक नालामा एक पुरुष मृत अबस्थामा फेला परेका छन् । उनी झापा अर्जुनधाराका गोपाल न्यौपाने रहेको प्रहरीले जनाएको छ ।

देवघाटको इलाका प्रहरी कार्यालय नजिकै रहेको नालामा उक्त शब फेला परेको हो । नालामा घोप्टो परेको अबस्थामा शब देखेपछि स्थानीयहरुले प्रहरीलाई खबर गरेका थिए ।

खबर पाए लगतै प्रहरी घटनास्थलमा पुगेको थियो । यस सम्बन्धमा प्रहरीले आवश्यक अनुसन्धान गरिरहेको इप्रका देवघाटका प्रमुख कृष्णबहादुर बानियाले बताए ।