दमौली, मंसिर २१
सामुदायिक वन उपभोक्ता महासंघ (फेकोफोन) जिल्ला महासंघ तनहुँको आयोजनामा विहिबार दमौलीमा लैङ्गिक हिंसा विरुद्धको १६ दिने अभियानको अवसरमा सचेतना कार्यक्रम सम्पन्न भयो ।
सो कार्यक्रममा प्रमुख अतिथि सामुदायिक वन उपभोक्ता महासंघ गन्डकी प्रदेशका सचिव केशवचन्द्र न्यौपानेले नेपालमा सबैभन्दा पहिला सामुदायिक वन महासंघले लैङ्गिक समानता कायम गरेको बताए । उनले लैङ्गिक हिंसाको विरुद्धमा सबै एक जुट बन्नु पर्ने बताए ।
महासंघ तनहुँका अध्यक्ष विष्णुकुमार श्रेष्ठको अध्यक्षतामा सम्पन्न जिल्ला महासंघका उपाध्यक्ष रामप्रसाद श्रेष्ठ, सदस्य शुभद्रा घिमिरे, स्थानीय महासंघ शुक्लागन्डकीका अध्यक्ष केशवराज पौडेल, म्याग्देका अध्यक्ष बालकृष्ण श्रेष्ठ, व्यास नपाका अध्यक्ष एकबहादुर श्रेष्ठ, ऋषिङका अध्यक्ष भक्तबहादुर रानाभाट लगायतले लैङ्गिक हिंसाको विरुद्धमा मन्तव्य व्यक्त गरेका थिए ।
सो कार्यक्रमको सन्चालन जिल्ला महासंघकी सचिव मन्जु अधिकारीले गरेकी थिइन् ।
