दमौली, मंसिर २७
म्याग्दे गाउँपालिकाले तत्कालकोलागि सामुदायिक विद्यालयमा नयाँ प्रधानाध्यापक नियुक्ती गर्न तथा निमित्त प्रधानाध्यापक तोक्न रोक लगाएको छ । गाउँपालिकाका अध्यक्ष श्रीप्रसाद श्रेष्ठले सुचना प्रकाशन गरि हाललाई नयाँ प्रधानाध्यापक नियुक्ती गर्न तथा निमित्त प्रधानाध्यापक तोक्ने कार्य नगर्न तथा नगराउन अनुरोध गरेका छन् ।
म्याग्दे गाउँपालिकाले स्थानीय शिक्षा ऐन निर्माण गरिसकेको र सोही ऐन बमोजिम गाउँपालिकाबाट शिक्षा नियमावली निर्माण गर्ने कार्यक्रम रहेकोले सो नियमावली स्विकृत भएपछि गाउँपालिकाबाट जारी भएको पत्र पश्चात मात्र प्रधानाध्यापक नियुक्ती गर्ने कार्य हुने हुँदा हाललाई नयाँ प्रधानाध्यापक नियुक्ती गर्न तथा निमित्त प्रधानाध्यापक तोक्ने कार्य नगर्न तथा नगराउन सबै सामुदायिक विद्यालयमा सुचना जारी गरेको हो ।
