दमौली, मंसिर २७
महिला शक्ति विकास केन्द्र नेपालद्वारा व्यास नपा–५ मा सन्चालित ‘ग्रामिण महिला नेतृत्व विकास कार्यक्रम’ को बुधबार सामाजिक लेखा परिक्षण कार्यक्रम सम्पन्न भयो ।
सो कार्यक्रममा व्यास नपा–५ का वडा अध्यक्ष विष्णुकुमार श्रेष्ठ हिमालले ग्रामिण महिलाहरुको नेतृत्व विकास, क्षमता विकास, आर्यआर्जन तथा बक्तृत्वकला क्षमता विकासमा यस परियोजनाले ठुलो योगदान दिएको बताए । वडा अध्यक्ष श्रेष्ठले आत्मनिर्भर बन्न व्यवसायीक कृषिमा लाग्नु पर्ने बताए । वडा अध्यक्ष श्रेष्ठले परियोजना सन्चालनको लागि वडाको तर्फबाट आवश्यक सहयोग उपलबध गराउने बताए ।
सो कार्यक्रममा गैसस महासंघ तनहुँका अध्यक्ष प्रकाशचन्द्र भट्टराईले संस्थाबाट सन्चालित परियोजनाको सामाजिक लेखा परिक्षण गर्दै गैरसरकारी संस्थाहरुले परियोजना सन्चालन गर्दा जनताको जिवनस्तरमा सुधार आउने खालको हुनु पर्ने बताए ।
महिला शक्ति विकास केन्द्र तनहुँकी संयोजक लिलामाया गौलीको अध्यक्षतामा सम्पन्न सो कार्यक्रममा वडा सदस्य सुन्दर वाग्ले, परियोजनाकी कोर लिडर गममाया राना जुनियर कोर लिगर केशमाया थापा लगायतले मन्तव्य राखेका थिए । उक्त परियोजना २०७५ सालदेखी उक्त वडामा सन्चालन हुँदै आएको थियो ।
सो कार्यक्रममा वडा सदस्यहरु, वडाका कृषि, पशु तथा स्वास्थ्यका प्राविधिकहरु तथा गाउँ महिला समुहका पदाधिकारीहरुको सहभागिता रहेको थियो ।
