दमौली, मंसिर २७
९ बर्षिया बालिकालाई बलात्कार गरेकोमा आरोपमा प्रहरीले शुक्लागन्डकी नपा–७ का ७० बर्षिय रनबहादुर सारुलाई मंगलबार पक्राउ गरेको छ । आरोपितले गत मंसिर पहिलो साता बालिकालाई बलात्कार गरेको भन्दै पीडितका अभिभावकले मंसिर २६ गते मंगलबार इलाका प्रहरी कार्यालय बेलचौतारमा उजुरी दिएका थिए ।
बालिकाको मंगलबार नै दमौली अस्पतालमा स्वास्थ्य परिक्षण भएको इलाका प्रहरी कार्यालय बेलचौताराका इन्चार्ज इन्स्पेक्टर गणेश सुवेदीले बताए । बालिकाले विद्यालयमा साथीहरुसँग पेट दुख्यो भनेपछि अभिभावकले सोधपुछ गर्दा आफुलाई रनबहादुरले बलात्कार गरेको जानकारी दिएपछि स्थानीय बासिन्दाले आरोपित रनबहादुरलाई नियन्त्रणमा लिई प्रहरीलाई बुझाएका थिए ।
आरोपितलाई जिल्ला अदालतबाट म्याद थप लिई थप अनुसन्धानकोलागि इप्रका बेलचौतारामा हिरासतमा राखिएको इन्चार्ज उप्रेतीले बताए ।
