दमौली, मंसिर ३०
उच्च जोखिममा परेका र एकल महिलाहरुको अधिकारको लागि काम गरिरहेका देशभरका संस्थाको साझा सञ्जाल ‘जागृति महिला महासंघ’को केन्द्रीय अध्यक्षमा तुलसी गैह्रे गान्धारी निर्वाचित भएकी छिन् ।
महासंघको शुक्रबार काठमाडौंमा सम्पन्न चौंथो अधिवेशनले गैह्रेको अध्यक्षतामा नयाँ कार्य समिति गठन गरेको हो । तनहुँको भानु नगरपालिका–१ की गैह्रे लामो समयदेखी महिला अधिकारको क्षेत्रमा क्रियाशिल छिन् ।
महासंघको उपाध्यक्षमा दुर्गा तिमिल्सेना, महासचिव रेनुका दाहाल तथा सचिवमा गिता पौडेल र रुपमा महर्जन कोषाध्यक्ष निर्वाचित भएका छन् । यस्तै सदस्यहरुमा भगवती दाहाल, उमा श्रेष्ठ लगायत रहेका छन् ।
