दमौली, पुस २६
राष्ट्रिय प्रजातन्त्र पार्टीका महामन्त्री तथा प्रतिनिधि सभाका सांसद ज्ञानेन्द्र शाहीले वर्तमान सरकारले राष्ट्रवादी व्यक्तिलाई विभिन्न आरोप लगाएर जेल हाल्ने गरेको आरोप लगाएका छन् । तनहुँको आबुँखैरेनी गाउँपालिकामा आयोजित पार्टी प्रवेश कार्यक्रममा बोल्दै प्रवक्ता शाहीले राष्ट्रवादी व्यक्तिहरुलाई विभिन्न आरोपमा फसाउने षड्यन्त्र भईरहेको बताए ।
अहिले प्रहरी प्रशासन र अदालतलाई सत्ताले दुरुपयोग गरेको शाहीले आरोप लगाए । प्रहरी प्रशासनले निश्पक्ष रुपमा अनुसन्धान गर्न नसक्ने अवस्था भएको उनको भनाई थियो ।
देशमा कोही पनि बस्न नसक्ने अवस्थामा पु¥याईएको भन्दै शाहीले बढ्दो व्यापार घाटा र युवा पलायनले देशमा बस्न नसक्ने अवस्था सिर्जना भएको उनले बताए ।
सो कार्यक्रममा राप्रपाकी केन्द्रीय सदस्य गौमाया श्रेष्ठ, जिल्ला अध्यक्ष बिनोद घर्ती लगायतले पनि मन्तव्य राखेका थिए ।
सो अवसरमा खगेन्द्र देवकोटाको नेतृत्वमा विभिन्न पार्टीबाट ५२ जना राप्रपामा प्रवेश गरेको जिल्ला अधयक्ष बिनोद घर्तीले जानकारी दिए ।
