दमौली, पुस २६
१७ बर्षिया बालिकालाई बलात्कार गरेको आरोपमा तनहुँ जिल्ला अदालतले लमजुङ दूधपोखरी गाउँपालिका–६ घर भई भानु नपा–३ कालामाटा बस्ने २१ बर्षिय सलिन मगरलाई १२ बर्ष कैद सजायको फैसला गरेको छ ।
जिल्ला अदालतका न्यायधीश चन्द्रकुमार पोख्रेलको इजलासले शुक्रबार सजाय निर्धारण गर्दै उक्त सजायसँगै ५ लाख जरिवाना ५० हजार क्षतीपुर्ती भराउन फैसला भएको जिल्ला अदालतका श्रेस्तेदार केशव पौडेलले जानकारी दिए ।
पीडित बालिकालाई २०७८ चैत १५ गते बलात्कार गरेको भन्दै पीडितका अभिभावकले २०७८ चैत १८ गते जिल्ला प्रहरी कार्यालय तनहुँमा उजुरी दिएका थिए । सोही उजुरीको आधारमा प्रहरीले आरोपितलाई पक्राउ गरेको थियो ।
आरोपित विरुद्ध जिल्ला सरकारी वकिल कार्यालयले २०७९ बैशाख ११ गते जिल्ला अदालतमा मुद्धा दर्ता गरेको थियो । जिल्ला अदालतको आदेशमा आरोपित २०७९ बैशाख १२ गतेदेखी पुर्पक्षकोलागि जिल्ला कारागारमा थुनामा थिए ।
