दमौली, माघ २

व्यास नगरपालिकाले केही दिनको लागि बजार क्षेत्रबाट नकुहिने फोहोर नउठाउने भएको छ । व्यासले मंगलबार सुचना प्रकाशित गरि विगत ३०÷३२ वर्ष देखी फोहोर मैलाको स्थायी समाधानका लागि विभिन्न विकल्पमा कार्य भइरहे पनि समाधान हुन नसकेको जनाएको छ ।

फोहोरमैला व्यवस्थापन गर्ने कार्यमा निरन्तर लागि परेको भन्दै नगरपालिकाले कुहिने फोहोर र नकुहिने फोहोर घर घरबाट छुट्टयाउने कार्य भएता पनि नहुकिने फोहोरमा कुहिने फोहोर अझै मिसिएको अवस्था रहेको जस्ले गर्दा नकुहिने फोहोर विसर्जन गर्ने स्थानमा दुर्गन्धहरु आएर स्थानीयको गुनासो आइरहेको जनाएको छ ।

नगरपालिकाले नकुहिने फोहोर संकलन कार्य अर्को व्यवस्था नहुदाँसम्म मिति बुधबारदेखी नै विशेष कारणबस उठाउन नसकिने हुदाँ नकुहिने फोहोरको केहि दिन स्वंयमले घरमै सुरक्षित राख्नुहुन अनुरोध गरेको छ । कुहिने फोहोर संकलन गर्न भने एकदिन बिराई नियमित गाडि आउने नगरपालिकाले जनाएको छ ।