दमौली, माघ १५
शहिद दिवसको अवसरमा भोली मंगलबार व्यास नगरपालिकाले सार्वजानिक बिदा दिएको छ ।
शहिद दिवसको अवसरमा व्यास नगरपालिकाले ‘सातौं व्यास नगरपालिका अल्ट्रा म्यारथन–२०८०’ को आयोजना गरिएको हुँदा सो कार्यक्रम भव्य रुपमा सम्पन्न गर्न नगरपालिकाले सार्वजानिक बिदा दिएको हो ।
शहिद दिवसको अवसरमा भोली माघ १६ गते व्यास नगरपालिकाले वडा नम्बर ५ को पर्यटकीय स्थल मानुङकोटबाट वडा नम्बर ८ को शहिदपार्क पुलिमराङसम्म ४४ किलोमिटरको अल्ट्रा म्याराथन प्रतियोगिता आयोजना गरेको छ ।
सो प्रतियोगितालाई भव्यरुपमा सम्पन्न गर्न नगरपालिका अन्तर्गतका सम्पुर्ण सरकारी कार्यालय, सामुदायिक तथा संस्थागत विद्यालयहरु, स्वास्थ्य संस्था तथा सम्पुर्ण वडा कार्यालयहरुमा अत्यावश्यक बाहेकका सम्पुर्ण सेवाहरुमा बिदा दिइएको नगरपालिकाका प्रमुख प्रशासकीय अधिकृत गंगालाल सुवेदीले बताए ।
