देवघाट, माघ २१
देवघाटधाम जेसीज, गीतानगर जेसीज र गीतानगर जुनियर जेसीजको संयुक्त आयोजना शनिबार शाखा पदाधिकारी तालिम तथा योजना तर्जुमा कार्यशाला सम्पन्न भएको छ ।
देवघाटधाम जेसीजका कोषाध्यक्ष जेसी अर्जुन सुवेदी संयोजकत्वमा सम्पन्न सो कार्यक्रममा देवघाट गाउँपालिका अध्यक्ष तथा देवघाटधाम जेसीजका मानार्थ सदस्य तिलबहादुर थापा तथा देवघाटधाम जेसीजको संस्थापक अध्यक्ष जेसी विकास सापकोटाले शुभकामना मन्तव्य राखेका थिए ।
सो कार्यक्रममा नेपाल जेसीज वर्ष २०१८ की राष्ट्रिय कार्यकारीणी उपाध्यक्ष जेसी रश्मी शिल्पकार प्रमुख प्रशिक्षक रहेकी थिइन् । कार्यक्रममा देवघाटधाम जेसीजको अध्यक्ष जेसी रघु मल्लले स्वागत तथा नेपाल जेसीज वर्ष २०२२ का राष्ट्रिय महासचिव जेसी कृष्ण सापकोटाले सहजीकरण गरेका थिए ।
तालिममा देवघाटधाम जेसीज, गितानगर जेसीज र गितानगर जुनियर जेसीजका ४० जेसीज सदस्यहरूको उपस्थित रहेको थियो ।
