दमौली, माघ २८
१४ वर्षीया बालिकालाई बलात्कार गरेको कसुरमा म्याग्दे गाउँपालिका–७ का २१ वर्षीय विशाल विकलाई तनहुँ जिल्ला अदालतले १८ वर्ष कैद सजायको फैसला गरेको छ ।
न्यायाधीश कमलराज विष्टको इजलासले आईतबार अभियोग दावी पुग्ने भन्दै कैदसँगै १ लाख रुपियाँ जरिबाना सजायको फैसला गरेको अदालतका श्रेष्तेदार केशव पौडेलले जानकारी दिए ।
आरोपितले पीडित बालिकालाई २०७८ भदौ २३ गते बलात्कार गरेको भन्दै पीडित पक्षले भदौ २४ गते जिल्ला प्रहरी कार्यालय तनहुँमा उजुरी दिएका थिए । प्रहरीले आरोपित थापालाई फागुन २५ गते पक्राउ गरि जिल्ला सरकारी वकिल कार्यालय मार्फत २०७८ असोज १३ गते जिल्ला अदालत तनहुँमा बलात्कार कसुर शिर्षकमा मुद्दा दर्ता गराएको थियो ।
आरोपित २०७८ असोज १४ गतेदेखी पुर्पक्षकोलागि जिल्ला कारागारमा थुनामा थिए ।
